ბლომანჟე

მასალა: 2 ს.კ. ჟელატინი, 1 ჩ.ჭ. ანადუღარი ცივი წყალი, 400გრ. არაჟანი, 2ც. კვერცხის გული და 1ც.კვერცხის ცილა, 1 ჩ.ჭ. შაქარი, ვანილი, 1ც. ლიმნის ცედრა, 2 ჩ.კ. კონიაკი. თქვენი გემოვნებით შეგიძლიათ დაამატოთ - 1ჩ.ჭ ნიგოზი, ქიშმიში,რომელიმე ხილი, ან შოკოლადი.
მომზადება: ჯელატინს დავასხათ ანადუღარი ცივი წყალი და გავაჩეროთ 40-45 წუთი, რომ გაფუვდეს. შემდეგ დავდგათ დაბალ ცეცხლზე, ვურიოთ, მივიყვანოთ ადუღებამდე, ისე რომ ჯელატინი მთლიანად დადნეს. ამასობაში (სანამ ჟელატინი ფუვდება), კვერცხისა და შაქრისაგან გავაკეთოთ გოგლი-მოგლი, დავამატოთ 400გრ. არაჟანი, ვანილი, ლიმნის ცედრა და კონიაკი. კარგად ავთქვიფოთ ყველაფერი ერთად, შაქარი უნდა დადნეს ბოლომდე. ამის შემდეგ დავამატოთ ნიგოზი, ხილი ან შოკოლადი, ასევე უკვე დამდნარი ჯელატინი, კიდევ ერთხელ ავურიოთ, ჩავასხათ ჭიქებში ან ყალიბში და შევდგათ მაცივარში. სუფრასთან მიტანამდე შეგვიძლია გავაფორმოთ დაჭრილი ნიგვზით, გახეხილი შოკოლადით, დაჭრილი ხილით ან პიტნის ფოთლებით.
რჩევა: ბლომანჟე შეგვიძლია გავაკეთოთ ყოველგვარი დანამატის გარეშეც. ამ შემთხვევაში ის იქნება უბრალოდ თეთრი ფერის, მაგრამ თუ ბლომანჟეს უკვე მომზადებულ მასას გავყოფთ სამ ნაწილად, მაშინ შეგვიძლია ერთ ნაწილს დავამატოთ კაკაო ან დამდნარი შოკოლადი და ერთ ფენას კი რომელიმე ხილის წვენი ან საკვები საღებავი. თითოეული ფერი ჭიქაში უნდა ჩაისხას თანმიმდევრობით: ჯერ ერთი ფერი, შემდეგ შევდგათ მაცივარში, დაველოდოთ ვიდრე მასა გამაგრდება, შემდეგ დავასხათ მეორე ფენა, ისევ გავაციოთ და როდესაც ეს ფენაც გამაგრდება დავასხათ ბოლო ფენა, ზემოდან გავაფორმოთ და ისევ მოვათავსოთ მაცივარში.

2 comments:

Anonymous13 May 2013 at 02:58
tqvens mier mocemul receptishi, 400 gram arajanze 2 chais kovzi jelatini zalian cotaa,ubralod masa ar gamagrdeba da iqneba cwal-cwala. ratom shegyavt xalxi shecdomashi, marto tqven ki ara bevrgan vnaxe aseti uzustobebi receptshi.
ci26 May 2013 at 14:15
tkven martali xart, es chemi shecdomaa, chais kovzis nacvlad supris kovzi unda ikos mititebuli. gavascoreb aucileblad. gmadlobt shenishvnisatvis