დარიჩინიანი ვაშლები ფენოვან ცომში

მასალა: 1 შეკვრა ფენოვანი ცომი, 8ც. საშუალო ზომის ვაშლი, 1 ჭიქა, რაც შეიძლება წვრილად დაჭრილი, მოხალული ნიგოზი, 2 ს.კ. დარიჩინი, 8ს.კ.შაქარი, შაქრის პუდრი მოსაყრელად, პიტნის ფოთლები გასაფორმებლად.
მომზადება: ფენოვანი ცომი გავაბრტყელოთ და გამოვჭრათ 8 კვადრატი. ვაშლები გავრეცხოთ და ყუნწის მხრიდან ამოვაცალოთ გული. თუ ასე გაგვიჭირდება, მაშინ ვაშლი შუაზე გავჭრათ და ისე ამოვაცალოთ გული. წვრილად დაჭრილი ნიგოზი, შაქარი და დარიჩინი ერთდ ავურიოთ და მიღებული მასით ამოვავსოთ ვაშლის გულები. გაზადებული ვაშლები მოვათავსოთ ცომზე, გვერდები ამოვუწიოთ და თავზე კონვერტივით შევკრათ. დავალგოთ ცხიმწასმულ თუნუქის ფურცელზე ერთმანეთის დაშორებით და გამოვაცხოთ მაღალ ტემპერატურაზე დაახ. 20-25 წუთი, ვიდრე არ დაიბრაწება. მზა ვაშლები მოვათავსოთ თეფშზე, მოვაყაროთ შაქრის პუდრი და გავაფორმოთ პიტნის ფოთლებით